ប្រជាពលរដ្ឋនិងមហាជនគ្រប់មជ្ឈដ្ឋានមានការងឿងឆ្ងល់ ស្នងការដ្ឋាននគរបាលខេត្តកំពត ហេតុអ្វីបានជាលោក ប៉ោ យ៉ា ត្រូវបានផ្តល់ឱកាសត្រឡប់មកដឹកនាំអធិការដ្ឋានស្រុកឈូកវិញ?
អាសយដ្ឋានទីស្នាក់ការអង្គភាព សារព័ត៌មាន វណ្ណ សំរេច រស្មី បាភ្នំ www.k-vansamrachreaksmeybaphnom.com.kh ស្ថិតនៅក្នុងភូមិ១ សង្កាត់លេខ១ ក្រុងព្រះសីហនុ ខេត្តព្រះសីហនុ / Phone 012 835 006 ។​ សូមអរគុណ...!
គេហទំព័រ (www.k-vansamrachreaksmeybaphnom.com.kh) យើងខ្ញុំ សូមស្វាគម បងប្អូនប្រិយមិត្ត ទាំងអស់ដែលបានចូលរួមអានព័ត៌មានផ្សេងៗ នៅក្នុងគេហទំព័រយើងខ្ញុំ សូមគោរពជូនពរដល់បងប្អូន អោយជួបប្រទះតែសេចក្តី សុខសេចក្តីចំរើនគ្រប់ៗគ្នា នឹងពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ ពលៈ កំុបីឃ្លាងឃ្លៀតឡើយ ។ "សូមអរគុណ

ប្រជាពលរដ្ឋនិងមហាជនគ្រប់មជ្ឈដ្ឋានមានការងឿងឆ្ងល់ ស្នងការដ្ឋាននគរបាលខេត្តកំពត ហេតុអ្វីបានជាលោក ប៉ោ យ៉ា ត្រូវបានផ្តល់ឱកាសត្រឡប់មកដឹកនាំអធិការដ្ឋានស្រុកឈូកវិញ?

 


ថ្ងៃពុធ ១១រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែតុលា ឆ្នាំ២០២៦


ប្រជាពលរដ្ឋក្នុងស្រុកឈូក ខេត្តកំពត កំពុងចាប់អារម្មណ៍ និងមានក្តីរំពឹងថា ថ្នាក់ដឹកនាំស្នងការដ្ឋាននគរបាលខេត្តកំពត នឹងជ្រើសរើសមន្ត្រីដែលមានសមត្ថភាព មានការទទួលខុសត្រូវ និងមានប្រសិទ្ធភាពខ្ពស់ ដើម្បីដឹកនាំអធិការដ្ឋាននគរបាលស្រុកឈូក ឱ្យបំពេញភារកិច្ចបម្រើប្រជាពលរដ្ឋបានកាន់តែល្អប្រសើរ។


ការលើកឡើងនេះ ក៏ដោយសារតែថ្មីៗកន្លងមក លោកវរសេនីយ៍ឯក ប៉ោ យ៉ា ដែលកាន់តួនាទីជាអធិការនគរបាលស្រុកឈូក ត្រូវបានដកមកបញ្ឈរជើងនៅការិយាល័យបុគ្គលិក នៃស្នងការដ្ឋាននគរបាលខេត្តកំពត ពាក់ព័ន្ធនឹងការដោះស្រាយករណីគ្រោះថ្នាក់ចរាចរណ៍ធ្ងន់ធ្ងរមួយ ដែលបណ្តាលឱ្យមនុស្ស ២នាក់បាត់បង់ជីវិត។ ប្រភពព័ត៌មានបានរាយការណ៍ថា ការដោះស្រាយដំបូងមិនបានវាស់វែង និងស្រាវជ្រាវឱ្យបានច្បាស់លាស់ ហើយក្រោយមកក្រុមការងារជំនាញថ្នាក់ខេត្តបានចុះស្រាវជ្រាវឡើងវិញ។


ករណីនេះបានធ្វើឱ្យមានសំណួរថា៖ ប្រសិនបើមន្ត្រីម្នាក់ត្រូវបានដកបញ្ឈរជើង ដើម្បីបន្តនីតិវិធីពាក់ព័ន្ធនឹងការអនុវត្តតួនាទី តើក្រោយពេលនោះ មានលទ្ធផលនៃការត្រួតពិនិត្យ ឬវិន័យយ៉ាងណា? ហើយតើមូលហេតុអ្វីបានជាលោក ប៉ោ យ៉ា ត្រូវបានផ្តល់ឱកាសឱ្យបន្ត ឬត្រឡប់មកទទួលតួនាទីដឹកនាំអធិការដ្ឋានស្រុកឈូកវិញ?


សំណួរទាំងនេះ មិនមែនមានគោលបំណងចោទប្រកាន់បុគ្គលណាម្នាក់ឡើយ ប៉ុន្តែជាការស្នើសុំឱ្យស្ថាប័នពាក់ព័ន្ធបង្ហាញភាពច្បាស់លាស់ ដើម្បីឱ្យប្រជាពលរដ្ឋមានជំនឿទុកចិត្តលើការចាត់តាំងមន្ត្រី និងការអនុវត្តវិន័យក្នុងកងកម្លាំងនគរបាលជាតិ។


ជាពិសេស ប្រជាពលរដ្ឋចង់ឃើញថា ការចាត់តាំងមន្ត្រីដឹកនាំមូលដ្ឋាន ត្រូវផ្អែកលើ សមត្ថភាព បទពិសោធន៍ ប្រសិទ្ធភាពការងារ សីលធម៌ វិន័យ និងការទទួលខុសត្រូវ ដើម្បីធានាបានថា មន្ត្រីដែលទទួលបន្ទុកពិតជាអាចបម្រើ និងការពារប្រជាពលរដ្ឋបាន។


សម្រាប់ស្រុកឈូក ប្រជាពលរដ្ឋក៏រំពឹងថា អធិការដ្ឋាននគរបាលស្រុកនឹងយកចិត្តទុកដាក់លើការបង្ការ និងបង្ក្រាបបទល្មើសក្នុងមូលដ្ឋាន ជាពិសេសបញ្ហាល្បែងស៊ីសងខុសច្បាប់ និងបទល្មើសផ្សេងៗដែលប៉ះពាល់ដល់សន្តិសុខ សណ្តាប់ធ្នាប់ និងជីវភាពរស់នៅរបស់ប្រជាពលរដ្ឋ។


ដូច្នេះ អង្គភាពសារព័ត៌មានយើងខ្ញុំ សូមស្នើសុំការបំភ្លឺពី ស្នងការដ្ឋាននគរបាលខេត្តកំពត ថា តើដំណើរការត្រួតពិនិត្យ និងការអនុវត្តវិន័យចំពោះករណីលោក ប៉ោ យ៉ា បានឈានដល់ដំណាក់កាលណាហើយ? ហើយតើការសម្រេចចិត្តឱ្យលោកបន្តកាន់តួនាទី មានមូលដ្ឋានលើលក្ខខណ្ឌ និងលទ្ធផលវាយតម្លៃអ្វីខ្លះ?


ការបំភ្លឺជាផ្លូវការពីស្នងការដ្ឋាន នឹងជួយឱ្យសាធារណជនយល់បានច្បាស់ និងធានាថា ការចាត់តាំងមន្ត្រីដឹកនាំមូលដ្ឋាន ត្រូវបានធ្វើឡើងដោយផ្អែកលើសមត្ថភាព ប្រសិទ្ធភាព និងផលប្រយោជន៍របស់ប្រជាពលរដ្ឋជាចម្បង។

Post a Comment (0)
Previous Post Next Post