អ្នកនាំពាក្យនៃអយ្យការអមសាលាដំបូងខេត្តតាកែវ មានកិត្តិយសសូមជម្រាបជូនសាធារណជន មេត្តាជ្រាបថា៖ កាលពីថ្ងៃទី១៣ ខែកុម្ភៈ ឆ្នាំ២០២៦ កម្លាំងសមត្ថកិច្ច នៃអធិការដ្ឋាននគរបាលស្រុកបាទី នៃស្នងការដ្ឋាននគរបាលខេត្តតាកែវ បានបញ្ជូនសំណុំរឿងពាក់ព័ន្ធករណីក្មេងទំនើងមួយក្រុម ប្រដាប់ដោយ ដាវសាំម៉ូរ៉ៃ ០១ដើម បានធ្វើសកម្មភាពចូលដេញកាប់ទៅលើជនរងគ្រោះ ដែលកំពុងឈរជជែកគ្នាលេងនៅ ចំណុចភូមិត្រពាំងលាន ឃុំចំបក់ ស្រុកបាទី ខេត្តតាកែវ កាលពីថ្ងៃទី១០ ខែកុម្ភៈ ឆ្នាំ២០២៦។ សមត្ថកិច្ច បានធ្វើការស្រាវជ្រាវ និងឃាត់ខ្លួនជនសង្ស័យជាក្មេងទំនើងចំនួន០៧នាក រួមមាន ១-ឈ្មោះ ឡុក ណារិន ភេទប្រុស អាយុ២២ឆ្នាំ, ២-ឈ្មោះ សុខ ឡុងទីណូ ហៅ វីត ភេទប្រុស អាយុ១៥ឆ្នាំ, ៣-ឈ្មោះ ង៉ែត យី ភេទប្រុស អាយុ១៨ឆ្នាំ, ៤-ឈ្មោះ ង៉ែត រក្សា ភេទប្រុស អាយុ១៧ឆ្នាំ, ៥-ឈ្មោះ ផល បញ្ញា ភេទប្រុស អាយុ១៨ឆ្នាំ, ៦-ឈ្មោះ ពិន រដ្ឋា ភេទប្រុស អាយុ២១ឆ្នាំ, ៧-ឈ្មោះ មៃ ចាន់ដារ៉ាវ៉ៃ ភេទប្រុស អាយុ១៧ឆ្នាំ ចំណែកឯជនសង្ស័យ០២នាក់ទៀត ១-ឈ្មោះ ស៊ឹម និត ភេទប្រុស អាយុ២២ឆ្នាំ និង២-ឈ្មោះ ឡុក ណារាំ ភេទប្រុស អាយុ១៩ឆ្នាំ បានរត់គេចខ្លួនបាត់។
បន្ទាប់ពីបានសួរចម្លើយជនសង្ស័យ និងពិនិត្យភស្តុតាងនានាក្នុងសំណុំរឿងនេះ តំណាងអយ្យការ អមសាលាដំបូងខេត្តតាកែវ សម្រេចចោទប្រកាន់ពីបទ៖ គំរាមកំហែងថានឹងសម្លាប់ និងកាន់កាប់ ឬ ដឹកជញ្ជូនអាវុធដោយគ្មានការអនុញ្ញាត ប្រព្រឹត្តនៅចំណុចនៅចំណុចខាងលើ បទល្មើសព្រហ្មទណ្ឌ ដែលមានចែង និងផ្តន្ទាទោសតាមបញ្ញត្តិ មាត្រា ២៣៣ និងមាត្រា ៤៩០ នៃក្រមព្រហ្មទណ្ឌ ។
អាស្រ័យដូចបានជម្រាបជូនខាងលើ សូមសាធារណជនមេត្តាជ្រាបជាព័ត៌មានតាមការគួរ ។
ថ្ងៃសោរ៍ ១២រោច ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ខេត្តតាកែវ, ថ្ងៃទី១៤ ខែកុម្ភៈ ឆ្នាំ២០២៦ អ្នកនាំពាក្យនៃអយ្យការអមសាលាដំបូងខេត្តតាកែវ